Mela Muhemmedê Heldewî (1886-1950)
Mela Muhemmed di sala 1886ê de li gundê Heldayê hatiye dinê. Malbata wan ji Boşatê hatine Heldayê. Perwerdehiya medreseyê stendiye. Li ber destê Şêx Xalid, Mela Yehyayê Ferhendî û Mela Yaqûb xwendian xwe domandiye. Îcazeta xwe ji miftiyê Farqînê, Mela Ebdullah wergirtiye. Li gundên Tilalo, Balî û Kûyayê melatî kiriye.Ji şêxên gundê Bexçeya Farqînê re murîdtî kiriye. Di sala 1950î de li gundê Heldayê wefat kiriye.
Berhemên Wî
Mela Muhemmed Heldewî bi kitêba xwe ya “el-Enware” navdar bûye. El-Enwar li ser fiqha mezhebê Şafîî ye. Mexlesa “Heldewî” bikar aniye. Helbest nivîsîne. Navê kitêba wî Tûba Zeman e. Mulemme’ jî nivîsiye.
Xebatine Derbarê Mela Muhemmedê Heldayî De
Ertekin, M. Z. & Yıldız, A. (2022), Govenda Zimanan Mulemme’ Di Edebîyata Kurdî Ya Klasîk Da, Weşanên Lorya, Wan
Mela Muhemmedê Heldayî. (2020) Tûba Zeman, (amadekar: Fezlî).