Feqiyê Teyran – Xwedawenda Tu Sebbûh î

1
Xwedawenda tu sebbûh î
Dikim sed nal û zûhî
Di weqtê şiddeta rûhî
Bi sehlî dê bikey carî!

2
Tu yê sehl î li êşanê
Tu rehmê key li kêşanê!
Nebim ya Reb perişanê
Fewellah xwoş mededkarî

3
Sebûr î sahibê sebr î
Rehîm î ney tu lê heyrî
Ditirsim ez ji wî qebrî
‘Eceb kûr e qewî tarî

4
Ji paşî lehdê dîsanê
Li weqtê heşrê mîzanê
Ricukar im bi xufranê!
Ji belya tu yî settar î

5
Ji xewfa dozex û agirî
Xilas key min ji vî narî
Bi heşrê dûr î pir xanî

6
Terîqa sed hizar salî
Ku dê biçim ez bi vî halî
Me derbaz key eya bazî

7
Me derbaz key bi ihsanê
Bi teşrîfa wê Qur’anê

8
Xwedaya her tu Xeffar î
Derê rehmê vekî Barî!
Melikulmulk î Cebbar î

9
Li ehlê ferz û hem sûnnet
Cemî’ê cumleyê ummet
Riyazê rewzeyê cennet
Digel xadim tu Settar î

10
Digel xadim bi muştaqî
Bi muhbet hem tu ‘uşşaqî
Bişîne cenneta baqî
Biken seyran digel zarî

11
Biçîne cenneta nûr tê
Hizaran qesrê me’mûr tê
Bê hed xilman û hem hûr tê