Melayê Cizîrî – Gerçi bulbul cewhera zatê gul e

Gerçi bulbul cewhera zatê gul e
Lê gulê rewneq ji ‘işqa bulbul e

Guh de zikrê hal û coşa badeyê
Wê bi bulbul ra dixwûnit bilbil e

Sosinan sed reng avêtin kemend
Wan digo dil bendê tayek sunbul e

Sunbulan seywan li dêmê taze kir
Afitab îro di burca sunbul e

Qet ber yekî vê demê hazir biket
Qisseya fesîl ne karê sunbul e

‘Er‘era rengîn ji tayên sor û zer
Qumriyan sed rengê şîrîn xulxul e

Zimzima ‘işqê ji bala hate xwar
Qudsiyan avête çerxê xulxul e

Min ji dil nasûrekî ra hestiyan
La cerem ev neş’eya daxa kul e

Bulbul û perwaneyê fesl û dem in
Cinsê ‘işqa min tinê derdê kul e

Nêrgiza nazikqed û şehla ye mest
Dîn kirim ez bulbulan sewda gul e

Teb‘ê lami‘weş ji minnet Bûlhesen
Min di dest da Zulfiqar û Duldul e

Eşqerê bedfi‘l hebbi kir ‘eceb
Barekellah xweş bezî hespê qul e

Zulf û biskan pir ji min dil bir Mela
Rişteya canê Melê ew kagul e