Melayê Cizîrî – Bi husna ehseni’t-teqwîm bi zahir sûretê zat î

Bi husna ehseni’t-teqwîm bi zahir sûretê zat î
Nezer dî ‘ellem-el esma’ di batin ‘eynê mir‘at î

[D]i pabûsa semensayê me nêrî bejn û balayê
Le‘ellî ebluxu’l-esbabe esbabe’s-semawatî

Ji vî teqwîmê insani nezer key sirrê subhanî
Fehaze’l-wechu min ecla berahînin we ayatî

Ku nûra ‘işqê lami‘ det li Tûra qelbê cami‘ det
Di seyra berzexi’l-esma’ nihayatin bidayatî

Nîşanên turre tuxrayan li wesfên zuhresîmayan
Bi ‘inwani’t-tecella min bera‘ati’l-‘ibaratî

Dilo wer seyrê balayan di gulzaran semensayan
Biha tehtezzu banatun lena min meysi qamatî

Samayanrast û çep tînin şemalên xasse hiltînin
Fe ya lillahî fî meylatiha min ‘etfi banatî

Newaya mutrib û nayê fîxan avête cewzayê
Feyaheyya bi kasatin we ya heyya bi tasatî

Ji nazik nêrgiza nazik di sehmê dî me î‘cazik
We kem min xeşfi xizlanin ehabet leysê xabatî

Huwe’l-Ewwel huwe’l-Axir huwe’z-Zahir huwe’l-Batin
Huwe’l-Me‘bûdu we’l-Meşhûdu fî kulli’l-huwiyyatî

Ji laşey’î ji me‘dûmî me nasî sirrê qeyyûmî
Sucûdî fî turabi’l-mehwi min e‘la’l-meqamatî

Bi xwe rindê xirabat im ji dêrê vê demê hatim
Çi hêvî hûn diken îro ji vî rindê xirabatî

Di iqlîmê suxen mîr im di şi‘rê de cehangîr im
We ye‘lû mewkibe’l-‘uşşaqi e‘lamîn we rayatî

Di ‘işqê Şeyxê Sanî me bi dil behra me‘anî me
Li zî qelbin we zî hicrin şifaun fî işaratî

Çi xweş nûrek zelal î tu di qelbê min şemal î tu
We qelbî fîhi’l-hubbu misbahun we mişkatî

Teqada we digerit hikmet ku çerx û lewleb û ba în
Huwe’l-Fe‘ealu la te‘ter bi esbabin we alatî

Ezel ‘eynê ebed yek an deyûmî û qeyyûmî
Tenezzul tête tefsîlê bi anatin we ewqatî

Te‘alallah ji ihsanî bi dildarî bi dil danî
Mela îro te kir paşa li ser çehvên Melê hatî