Melayê Cizîrî – Dilber şikîna şekerek fe qultu ya rûhî meta

Dilber şikîna şekerek fe qultu ya rûhî meta
Go min heta xatir hebit min go çi kem ez ya heta

Zulfan tu bes çîn çîn bike biskên muqabil dîn bike
Pêşkêşî yek zulfêt te bin mulkê Xeten textê Xeta

Dil bendê dama zulfekî keftî kemenda ulfekî
Hel fî yedî’l-meftûni şey ew keyfe esne‘ ya feta

Zulfên but û şîrînleban jehrî ne şubhet ‘eqreban
Lê min ji biska purgireh îro tinê girtin du ta

Nisbet perî zîba ye ew, wek nêrgiza yekta ye ew
Ya men rea xillî fe hel yuşbî bi şey’in qameta

Me j’buxçeya yar ziynetê, bêpirs Melê destek çitê
We bi ma ceneytu cenyetî elqet ‘eleyye cînayeta