Melayê Cizîrî – Şebê qedrê li me rewşen ke tu rûh î were xweş

Şebê qedrê li me rewşen ke tu rûh î were xweş
Me ji nû xweş ke bi ser çavê şehîdên xwe bimeş

Ma li min key nezerek lutfê û ji dil xemze nihan
Bireşîne cegera rîşi ji qewsên xwe biweş

Seherê cumle şehîdên te bi rim avêtin
Hejimarî ne yekayek me hemî şeşsed û şeş

Nê şehîdên te bi isbatê bi xencer kuştiyî
Hey diçû xwûn ji birînan sed û heftad û du leş

Ceng hindî dikirin fêris û rimbazê ‘Ereb
Tox û ‘ala di Ferengî ne kemendarê Hebeş

Tu binê Rûm û ‘Ecem keftine Zengî di kemîn
Hane her têt peyapey ji teref Rûm xweş û xweş

Da me şehzade bi destê xwe mûbarek qedehek
Ne xubarek ji xumarî û ne tundî û ne xeş

Du qedeh mey bi Nîşanî diderin rengi bi reng
Nêrgiza nazik û re‘na û gula taze ye geş

Xaliba ehlê zemanî me bila ademî yin
Venemayin ji kerê me’y reş û gayê te yî beş

‘Arifên ehlê bisaret ji neseq merdumê çeşm
Surmepoş in di beyadî û Mela cameyê di reş