Melayê Cizîrî – Ji mabeyna du ebrûyan dibînim qabê qewseynê

Ji mabeyna du ebrûyan dibînim qabê qewseynê
Te‘alallah binê remzê çi reng avête mabeynê

Binê “nûn”ên li ser “sad”an ku katib goşe lê badan
Seraser Qaf ta Qaf e rumûza Hikmet-il‘eynê

Beqa nînin ji bo tiştî heta kengî bideyn piştê
Di ‘işqa van perîrûyan werin dinya ku pê deynê

Bi berqa şîr û elmasan bi tîrêjên di şehkasan
Seraser ehlê dinyayê disojin terfeti’l-‘eynê

Mela billah di vî dewrî bi vî rengî bi vî tewrî
Nîşan da wek Nîşanî kes dura min wê di Behreynê