Melayê Cizîrî – Ismê te ye mektûbî di dîwanê qidem da

Ismê te ye mektûbî di dîwanê qidem da
Herfek qelemê ‘ilmê bi teqwîmê reqem da

Eşkal û xetên daîreyê nuqteyê ‘ilm in
Ev neqş û mîsalên di xeyalatê ‘edem da

Mîm metle‘ê şemsa ehed ayînesifet kir
Lami‘ ji ‘Ereb berqê li fe[xx]arê ‘Ecem da

Da şahidê esma bi hemî wechî binasîn
Yek mestê Semed kir bi yekî neqşê senem da

Yek girt bi zulfê we yekî xalê numayî
Ayîne bi Eskender û hem cam bi Cem da

Erwahê muqeddes şebê qedra[n] te dixwazin
Nûra te ye misbahê di qindîlê Herem da

Da weqtê lîqayê bi te hey bin di beqayê
Min neqdê dil û can di fenayê bi selem da

Yaqûtfiroşan [d]i kef elmasi şikestin
Ev sefheyê elmasi ku neqqaşî qelem da

Ya Reb ji çi rû leb bi senaya te guşayem
Subhaneke len’n-uhsiye fî şe’nike hemda

Minnet ji Xudayê ku bi ‘ebdê xwo Melayî
Iksîrê xemê ‘işqê, ne dînar û direm da