Melayê Cizîrî – Min dî bi xeflet cam di kef Şahê Necef dil kir hedef

Min dî bi xeflet cam di kef Şahê Necef dil kir hedef
Roj hat şeref stêr bûne xef herçar teref nûra yeqeq
Zulmet nema suhbet we ma nûra şemalan çû sema
Lê ew dema zulf bûn cema hatin semayê yek neseq

Werdan gulav girtin xunav lê min tetav sotin hinav
Cerg û hinav zulfên belav lê bûn dav dav bend kir di gav
Nûra beser goft û xeber qend û şeker zulfan li ser
Xalên di qer bavê seher da bête der subha bi heq

Min ji mihriyan pur naliyan şevtariyan çeng bû meyan
Wer kuştiyan ji wan yengiyan bi wan tilliyan xweş key giyan
Kir şefqe mîr anîme bîr berdan me tîr kirme esîr
Negha feqîr zulfa herîr avêt şîr danî biçeq

Ey muşterî dêma zerî ne bi serserî bê can berî
Havêt serî gava berî lazim herî dî ev zerî
Telpê berê nîşamberê tîrawirê mujgînperê
‘Işqê sirrperî behr û berê avête rê ser ma qeleq

Min dî ji nû yar di newbê sundi e ew bêm bê direw
Me di qewsê bû wê [ew] şêvan lew nayê me xew
Hêstir rewan tên wek cowan tîr dan me wan reşebruwan
Dil wek gowan ber kaşowan serluluwan belgên wereq

Bejna şepal dêma bi xal î‘rab û dal qews û hilal
Neqşê celal cama zelal xemra helal suhbet bi hal
Ez telbeya aba heyatê bûn teyak û ji badeya
Cama xweyabû ‘işweya yar lew peyapey tên sebeq

Yar hat mest subha elest min dest bi dest dî cam di dest
Kagul dibest tayek verest vê ra şikest nîşan e qest
Ew lebşeker wa hate der ji ber tayên di ber da sor û zer
Xalên di qer zulf çûne ser le‘lan seher lê bû ‘ereq

Canê Melê ji qalûbelê bend im welê di wê kagulê
Belgên gulê rûheykelê ew misk e lê carek helê
Perde’w sutûr da bê qusûr bêtin zuhûr dêma bi nûr
Nûra Xefûr xalên di hûr cama tehûr le‘lên şefeq